Idiris M. Cali / Jiifto

Hooyaday!

Saarkii “Hooyo” ee Careys Ciise xusuus dib ugu noqo; amma halkan ka daalaco.

Waxaa jirta qasiido gaaban oo af Ingiriis ku soo baxday, curiyaheeduna yahay Yuusuf Islaam, oo hooyada ka sheekaynaysa; waa qasiido ay ubadkeennu ka baran karaan muhiimadda ay leedahay in loo riyaaqo Hooyo.

Gudbadhigista qasiidadan oo ah jiifto, iyo saarka Careys Ciise wax isaga duluc dhaw, haddana kala murti-higlaysan!

Yaa jacayl igu habboon
Abaal iyo xurmo huddoon  — [huddoon = cuddoon]
Iga helay waxmaqal runa
Hodan Alliyo Rasuul ka dib?

Waa hooyadaayoo
Waa hooyadaayoo
Waa hooyadaa iyo
Hahey Aabbahaayee!

Saa yaa ku soo habay
Hadda kuu qubeyn jiray
Kuu hullaab xirxiri jiray
Hiraabtana ku siin jiray
Hareertaada joogoo
Xanuun gooru ku hayaba
Hurdo yaa ka harayoo
Yaa kugu hagoognaa?

Hubaal ma’aha ruux kale
Aan hooyo kuu noqon!

***

Yaa helay daryeelkay
Xubbi waxan isla hayaba
Iyo laab ku hayntay
Hodan Alliyo Rasuul ka dib?

Waa hooyadaayoo
Waa hooyadaayoo
Waa hooyadaa iyo
Hahey Aabbahaayee!

Saa yaa adoon hadal
Waxad hibanni garan jiray
Tallaabana adoon helin
Yaa ku soo hag-hagi jiray
Dhulka mar ad ku hamash tiri
Yaa ku soo haleeloo
Korka kuu hinjiyayoo
Kaa hagaajay dhaawaca

Hubaal ma’aha ruux kale
Aan hooyo kuu noqon!

***

Yaan agjoogi helayaa
Dhagahaygow hagayaa
Oon “maya” u huri karin
Hodan Alliyo Rasuul ka dib?

Waa hooyadaayoo
Waa hooyadaayoo
Waa hooyadaa iyo
Hahey Aabbahaayee!

Saa hab yaa ku siiyoo
Kuu iibshay hu’ga cusub
Timaa kuu habeeyoo
Kaa halleeyay diifkana
Oohin goor ad hibiq tiri
Yaa illinta kaa hufay
Cabsidaada yaa huba
Oo dhabtii ku hanan kara?

Hubaal ma’aha ruux kale
Aan hooyaday noqon!

***

Dheh haddaba Xamdi Ilaah
Ilaahoow Hannuunshow
Hooyaday ku mahadsanid.

Saarka Careys Ciise waxa uu galayaa qaybta dhallaanka ee suugaanta—ubadkeennu na si wacan ayey uga baran karaan u riyaaqista Hooyo.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s