Sarsar / Uncategorized

Ya’da Sarsarka

Sarsarkan soo socda waxa lagu magacaabaa: Ya’da Sarsarka. Waa sarsar galaya mawduuca, “Galiilyada.” Waa sarsar gaaban; si’ mug weynna uu muuqaalinaya xaalka mustaqbalka (oo ku ladhan ka maanta ee) ummada Soomaaliyeed ee sida lax la qalay geerri-rafanaya. Waa dambi-ooge sarsarku, waxa uuna si cad maxkamad u saarayaa cid alaala ciddii ka niyad-dadbadata ahaanshaha baxrasaaf qudha! Ku darsoo, sarsarku waa libin-iyo-lur-taabte muujinaya cidda xad-gudubta iyo cidda xadkaba cagta soo gelin weyda. Waa isku soo urushe, nicmo nabad le ka doonanaya Eebbe, si bal baxrasaafku u biqlo, koro, si aan Saynisku qabbina u anfaco dhammaan ummada Soomaaliyeed.

Hadal badan akhri, oo ka aradnow, anfac haan ah ma buuxshee, waakan Sarsarkii, oo wixii tiraabtu u dusi weyday tix nagu taabsiinaya:

Ya’da sarsarku:
Yaryar maaha;
Yeke maaha
Yasid malaha.

Camal yicisa;
Yeel maaha
Ceeb yaqsile;
Yumbo maaha.

Yaxyax maaha;
Yulqan maaha.

Yool dhigadka
Ya’da sarsarkan
Dad-ka- yaabis
Ya’a weeyi

Goob yibala
Xoolo yiblo
Duhur yaaci
Yaa rabaya?

Geed yucuba
Ha yagloolo
Meel yaradle`
Gunta yaambad
Uuga yadyad
Yaa rabaya?

Laba yusurku
Yidhi iftiin
Yeyan arkine
Yuub kuriday
Yaa arkaya?

Hal yiillay
Gees yasirle
Ha yimaade`
Yaa wacaya?

Ma yadiidin
Gebi yaalki`
Ee yasirow
Noo yasirey!           (Aamiin)

__________________________________________
Miisaanka (Tusmada) Guud ee Meerisyada Maansadanu waa:

W W V

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s